2025-26 ബാച്ചിലേക്ക് അപ്രന്റീസ്ഷിപ്പിന് കൊച്ചി നേവൽ ഷിപ്പ് റിപ്പയർ യാഡിലും എയർ ക്രാഫ്റ്റ് യാഡിലും അപേക്ഷ ക്ഷണിച്ചു. അവസരം ഐടിഐ കാർക്കാണ്. പരിശീലനം ഒരു വർഷം. തെരഞ്ഞെടുക്കപ്പെടുന്നത് 240 പേരെയാണ്. 

കമ്പ്യൂട്ടർ ഓപ്പറേറ്റർ ആൻഡ് പ്രോഗ്രാമിംഗ് അസിസ്റ്റൻറ്, ഫിറ്റർ, മെക്കാനിക്, ഇലക്ട്രോണിക്സ്, മെഷിനിസ്റ്റ്, ടെർണർ തുടങ്ങി വിവിധ ട്രേഡുകളിൽ ഒഴിവുണ്ട്. 

65% മാർക്കോടെയുള്ള ഐടിഐയും 50 ശതമാനം മാർക്കോടെയുള്ള പത്താം ക്ലാസ് വിജയവും ആണ് യോഗ്യത 

തിരഞ്ഞെടുപ്പ് നടക്കുന്നത് എഴുത്തു പരീക്ഷയും, അഭിമുഖം, സർട്ടിഫിക്കറ്റ് പരിശോധന, ടെക്നിക്കൽ സ്കിൽ പരിശോധിക്കുന്നതിനുള്ള ഓറൽ ടെസ്റ്റ് എന്നിവയും മെഡിക്കൽ പരിശോധനയും നടത്തിയാകും.

ഓ എം ആർ മാതൃകയിൽ ആയിരിക്കും എഴുത്ത് പരീക്ഷ. ആകെ ഉണ്ടാവുക 75 മൾട്ടിപ്പിൾ ചോയ്സ് ചോദ്യങ്ങൾ ആയിരിക്കും. ഓരോ വിഷയത്തിൽ നിന്നുള്ള ചോദ്യങ്ങളുടെ എണ്ണം, ട്രേഡ് തിയറി 50 മാത്തമാറ്റിക്സ് ആൻഡ് ജനറൽ സയൻസ് 10 ജനറൽനോളജ് ആൻഡ് ഇംഗ്ലീഷ് ലാംഗ്വേജ് 15 എന്നിങ്ങനെയാണ് . പരീക്ഷ സമയം ഒന്നരമണിക്കൂർ. തെറ്റുത്തരങ്ങൾക്ക് നെഗറ്റീവ് മാർക്ക് ഇല്ല.

2025 മെയ് 20ന് പരീക്ഷ നടത്താനാണ് ഇപ്പോൾ തീരുമാനിച്ചിട്ടുള്ളത്. 

ഐടിഐ സർട്ടിഫിക്കറ്റ് ഒരു വർഷത്തെ ആണെങ്കിൽ 7700 രൂപയും രണ്ടു വർഷത്തെ ഐടിഐ സർട്ടിഫിക്കറ്റ് ആണെങ്കിൽ 8050 രൂപയുമാണ് സ്റ്റൈപ്പൻഡ് ലഭിക്കുക. 2025 ജൂലൈയിൽ പരിശീലനം ആരംഭിക്കും 

വിജ്ഞാപനവും വിശദവിവരങ്ങളും https://rdsdekerala.dgt.gov.in എന്ന വെബ്സൈറ്റിൽ ആണ് ലഭിക്കുക. അപേക്ഷ അയക്കേണ്ടത് രണ്ട് പാസ്പോർട്ട് സൈസ് ഫോട്ടോയും വിജ്ഞാപനത്തിൽ പറഞ്ഞിട്ടുള്ള മറ്റ് രേഖകളുടെ സാക്ഷ്യപ്പെടുത്തിയ പകർപ്പുകളും സഹിതം ആണ്. 2025 മാർച്ച് 25 നാണ് അപേക്ഷ സ്വീകരിക്കുന്ന അവസാന തീയതി.